III (трето) Одделение › БРОЕВИ И БРОЕЊЕ

Броеви до 1000

Цели за: Броеви до 1000

Стандарди за оценување

• Брои нанапред и наназад трицифрени броеви по 1, по 10 и по 100 до 1000.
• Брои по два, по три, по четири, по пет, по шест, по девет и по десет поголема група предмети до најмалку 100.
• Прави проценка за бројот на предмети до 500 и ја проверува проценката со броење.
• Го поставува трицифрениот број на бројна права на која се означени полните десетки и стотки.
• Чита и пишува броеви до 1000.

Активности и методи

• Учениците во групи бројат нанапред и наназад од даден двоцифрен или трицифрен број по 10, по 50, по 100 до 1000 на табели.
• Броење предмети (макарони, стапчиња, чепкалки) по 2, 3, 4, 5, 6, 9, 10 до 100.
• Откривање врска меѓу броеви во низи прикажани на смарт табла и нивно дополнување (пр. 155, 161, 167...).
• Игра „Кој број недостасува“: дополнување на делумно пополнети низи кои растат или опаѓаат.
• Редоследно подредување картички со полни стотки на бројна права каде се означени само 0 и 1000.