X (десетто) — Гимназиско › БРОЕВИ И ОПЕРАЦИИ СО БРОЕВИ

Размер, пропорција и процент

Просто и сложено тројно правило, основна вредност, процентна вредност, процентна сметка, делбена сметка, сметка на смеси, проста и сложена каматна стапка.

Стандарди за оценување

• Објаснува еквивалентност меѓу децимални броеви, дропки и проценти и ги претвара едни во други.
• Разбира и користи размер и пропорција.
• Разликува права и обратна пропорционалност.
• Користи просто и сложено тројно правило за решавање проблемски ситуации.
• Пресметува основна вредност, процентна вредност и процент.
• Применува процентна сметка во реални ситуации: ДДВ, царина, попуст, покачување.
• Применува делбена сметка и сметка на смеси во реален контекст.
• Решава проблеми од економија: проста и сложена каматна сметка, попуст, профит, приход, загуба.
• Разбира и конвертира парични единици во реален контекст.

Активности и методи

• Дискусија: Споредба каде клима уредот е поевтин — во продавница со 30% попуст или во продавница каде почетната цена е намалена три пати последователно по 10%.
• Решавање проблем: Пресметување на најскапото и најевтиното парче облека пред нивното процентно намалување дадено во табела.
• Истражувачка активност: Истражување на интернет за видови кредити и каматни стапки во банките — одредување на најисплатливата опција за кредит од 10.000 евра.
• Решавање проблем (парови): Пресметување поврат на ДДВ за потрошена сума од 8000 денари (3200 денари македонски производи) — со претходна дискусија.