XI (единаесетто) / II (втора) година — Гимназиско › ЕЛЕМЕНТИ ОД ВЕРОЈАТНОСТ
Веројатност
Множество на елементарни настани, операции со настани, сума на настани, производ на настани, настани кои се исклучуваат, независни настани.
Стандарди за оценување
Определува множество елементарни настани на даден експеримент и нивната веројатност.
Препознава сложени настани и одредува нивна веројатност со собирање и множење.
Разликува настани кои се исклучуваат и независни настани и пресметува нивни веројатности.
Активности и методи
Работа во мали групи (Проблем 1): На полица во библиотека има 15 различни книги (6 математика, 5 хемија, 4 биологија). На колку начини може да ги распореди библиотекарот ако книгите од иста област мора да бидат една до друга?
Проблем 2: На колку начини може да биде оценет ученик во втора година по 13 предмети ако: А) по сите предмети може да добие оценка од 1 до 5; Б) по 3 предмети не може да добие оценка поголема од 3, а по 2 предмети не може да добие оценка помала од 4?
Проблем 3: Во наградна игра учествуваат 10000 купони, од кои 70 се со парични награди и 130 со кондиторски производи. Колкава е веројатноста со еден извлечен купон да се добие награда?
Индивидуална активност: Петар истовремено фрла монета од пет денари и коцка за играње. а) Множество елементарни настани. б) Веројатност на настаните A („петка и парен број точки") и B („глава и број точки поголем од 4"). в) Дали A и B се исклучуваат?
Истражувачка активност: Испитување колку се практикуваат здрави навики (појадок и вежбање секој ден) меѓу учениците во втора година — собирање податоци, пресметување веројатности и проверка дали појадувањето и вежбањето се независни настани.