XI (единаесетто) — Гимназиско › ПЛОШТИНА НА РАМНИНСКИ ФИГУРИ

Плоштина на многуаголници и делови од круг

Плоштина на паралелограм, триаголник, трапез и трапезоид; Периметар и плоштина на правилен многуаголник; Периметар и плоштина на круг; Должина на кружен лак; Плоштина на делови на круг.

Стандарди за оценување

• Дефинира што е плоштина на фигура.
• Решава задачи за плоштина на правоаголник, квадрат, ромбоид и ромб.
• Пресметува плоштина на разни видови триаголници според една или повеќе формули и ја објаснува нивната точност.
• Ја искажува и ја применува теоремата за плоштина на слични триаголници.
• Ја докажува и применува формулата за плоштина на трапез.
• Пресметува плоштина на трапезоид кој е разделен на триаголници и трапезоид со нормални дијагонали.
• Решава задачи за плоштина на четириаголник.
• Објаснува што е карактеристичен триаголник кај правилен многуаголник и одредува периметар и плоштина.
• Ги проценува периметарот и плоштината на правилен многуаголник во зависност од промената на должината на апотемата.
• Пресметува периметар и плоштина на круг и ја образложува точноста на формулите.
• Ги изразува радиусот и дијаметарот на кругот преку периметарот и плоштината.
• Одредува должина на кружен лак по формула и ја објаснува точноста.
• Одредува плоштина на кружен исечок, кружен отсечок, кружен прстен (и делови од круг) по формула и ја објаснува нивната точност.

Активности и методи

• Користење „Венов дијаграм" и „измешани секвенци" за проверка на познавањето на видовите фигури и адекватните формули за нивна плоштина.
• Презентирање на аксиомите за плоштина преку модели на рамнински фигури.
• Инсистирање на објаснување на изведувањето на формулата за плоштина (по индуктивен пат, а за поедноставните и дедуктивно).