XII — Линеарна алгебра и аналитичка геометрија (изборен) › ТОЧКА, РАМНИНА И ПРАВА ВО ПРОСТОР

Растојанија, агли и равенки на права и рамнина

Растојание меѓу две точки; Делење на отсечка во даден однос; Видови равенки на рамнина; Растојание од точка до рамнина; Агол меѓу две рамнини; Видови равенки на права; Растојание од точка до права; Агол меѓу две прави; Агол меѓу права и рамнина; Заемен однос на две рамнини, две прави и права со рамнина.

Стандарди за оценување

• Одредува растојание меѓу две точки и дели отсечка во даден однос (внатрешно и надворешно), објаснувајќи ја постапката.
• Ги разликува и идентификува видовите равенки на рамнина (сегментен, општ и нормален) и составува равенка на рамнина при однапред дефинирани услови.
• Ја толкува положбата на рамнината во зависност од коефициентите.
• Одредува растојание од точка до рамнина и агол меѓу две рамнини.
• Ги разликува и идентификува видовите равенки на права (векторски, параметарски, каноничен) и составува равенка на права низ две точки.
• Одредува растојание од точка до права, агол меѓу две прави, растојание меѓу две паралелни прави и агол меѓу права и рамнина.

Активности и методи

• Изработување или обезбедување постери со просторни претстави за: делење отсечка во даден однос, агол меѓу две рамнини, растојание од точка до права и до рамнина, растојание меѓу две прави, агол меѓу права и рамнина, и разни видови равенки на рамнина.
• Инсистирање ученикот да ја скицира ситуацијата за која прави аналитички запис.